جهازك بياخد وقت على ما يفتح ؟؟
مشكلة بتقابل ناس كتير .. و هي ان الجهاز بياخد وقت طويل جدا على ما يفتح
الطريقة دي هتساعد على ان جهازك يفتح اسرع .. المعروف ان الويندوز اول ما بيفتح في برامج كتير بتفتح معاه .. و غالبا بيبقي في برامج بتفتح مع الويندوز انت مش بتحتاجها
فتح البرامج مع الويندوز بياخد وقت .. ده غير انها لما بتفضل مفتوحة بتحسب من الرامات .. هنعرف ازاي نلغي فتح البرامج مع الويندوز
هنفتح قائمة start و بعدين هنروح عند run و نكتب الامر ده msconfig
هتطلع صفحة زي اللي في الصورة بالظبط .. هنروح عند تبويب start up هنلاقي كل البرامج اللي بتفتح مع الويندوز
هتشوف اي برنامج انت مش محتاجه يفتح مع الويندوز و تشيل علامة الصح اللي قدامه و بعد كده هتدوس ok
هتطلع رسالة بيسالك انه يعمل restart ممكن تجرب تعمل restart و تشوف هل الويندوز هيفتح اسرع و لا لاء
مع العلم ان البرنامج كده موجود و ما اتمسحش و تقدر تفتحه في اي وقت عادي
ليست هناك تعليقات